Vou nun Bou

Podes ver unha actuación en directo desta canción no seguinte enlace: VÍDEO

Para fermosa esta vila

non che hai outra coma ela
que velas as súas parroquias
Bueu, Beluso e máis Cela.

Bueu, Beluso e máis Cela
danlle cariños ó mar
para fermosa esta vila
dende Bon a Lapaman.

Por coñecer a súa xente
o nacer valeu a pena
o nacer valeu a pena
o nacer valeu a pena

Andar polas súas rúas
percorrer os seus camiños
alegran a miña alma
o Bispo cos seus muíños.

O Bispo cos seus muíños
o monte do Liboreiro
andar polas súas rúas
e o millo corvo de Meiro

E anque teña que marchar
eu voltarei a esta terra
eu voltarei a esta terra
eu voltarei a esta terra.

O branco das súas praias
o verde das arboledas
realzan o azul do mar
as dornas coas súas velas.

As dornas coas súas velas
riqueza da nosa ría
o branco das súas praias
e o sol por riba da Illa.

Ponme aquí un Tinta Femia
aquí estarei, ¡Viva Bueu!
aquí estarei, ¡Viva Bueu!
aquí estarei, ¡Viva Bueu!